Lucky Star
အထက်တန်းကျောင်းသူလေး ၄ ယောက်ရဲ့ နေ့စဉ်ဘဝကို ဘာ Plot အကြီးကြီးမှ မရှိဘဲနဲ့ အပေါက်အလမ်းတည့်အောင် ရိုက်ပြထားတဲ့ Lucky Star က Slice-of-Life လောကရဲ့ Legend တစ်ခုလို့ ပြောလို့ရပါတယ်။
Anime၊ Manga နဲ့ Game တွေကို အသက်ထက်ချစ်တဲ့ Hardcore Otaku မလေး Konata က ဇာတ်လမ်းရဲ့ အဓိက ဆွဲဆောင်မှုပါ။ သူမရဲ့ တစ်နေ့တာဟာ ကျောင်းစာထက် Event တွေသွားဖို့၊ ဂိမ်း Level တင်ဖို့နဲ့ ညဘက် Game ဆော့ရင်း မနက်ကျရင် ကျောင်းမှာ အိပ်ငိုက်ဖို့ပဲ ဖြစ်နေတတ်ပါတယ်။ သူမရဲ့ သူငယ်ချင်းတွေဖြစ်တဲ့ အမြဲတမ်း စိတ်ဆိုးလွယ်ပေမယ့် ဂရုစိုက်တတ်တဲ့ Kagami၊ အေးအေးဆေးဆေးနဲ့ နည်းနည်း အူကြောင်ကြောင်နိုင်တဲ့ Tsukasa နဲ့ အရာရာကို ဗဟုသုတစုံစုံလင်လင် သိနေတတ်တဲ့ သူဌေးသမီးလေး Miyuki တို့ကြားက စကားပြောခန်းတွေကပဲ ဒီဇာတ်လမ်းကို အသက်ဝင်စေတာပါ။
တခြား Anime တွေလို ကမ္ဘာကြီးကို ကယ်တင်တာမျိုး၊ ရင်ခုန်စရာ အချစ်ဇာတ်လမ်းတွေ တစ်ခုမှ မပါဝင်ပါဘူး။ "Chocolate Cornet မုန့်ကို ဘယ်ဖက်က စားရင် ပိုကောင်းမလဲ" ဆိုတဲ့ မေးခွန်းကနေ "နွေရာသီ ကျောင်းပိတ်ရက် အိမ်စာတွေကို နောက်ဆုံးရက်မှ ကပ်လုပ်တာ" အထိ သာမန်ကိစ္စလေးတွေကို သူတို့ ဘယ်လိုဟာသနှောပြီး ဖြတ်သန်းကြသလဲဆိုတာကို တွေ့ရမှာပါ။
တစ်ကားလုံးမှာ ပါဝင်တဲ့ Meta-humor တွေ၊ တခြား နာမည်ကြီး Anime တွေအပေါ် Parody လုပ်ထားတာတွေနဲ့ ဇာတ်ကောင်တွေရဲ့ တစ်မူထူးခြားတဲ့ Personality တွေက ကြည့်ရှုသူကို အေးဆေးသက်သာစေသလို တစ်ခါတလေမှာလည်း "ဒါ ငါ့အကြောင်းပဲ" ဆိုတဲ့ ခံစားချက်ကို ရစေမှာပါ။ အထူးသဖြင့် Otaku Culture ကို စိတ်ဝင်စားတဲ့သူတွေအတွက်တော့ နေရာတိုင်းမှာ Reference တွေ လိုက်ရှာရင်းနဲ့ကို ကြည့်ရတာ တန်နေမယ့် ကားမျိုး ဖြစ်ပါတယ်။
ဘာ Stress မှ မရှိဘဲနဲ့ အထက်တန်းကျောင်းသူလေးတွေရဲ့ ချစ်စရာကောင်းတဲ့ ကယောင်ကတမ်း စကားဝိုင်းလေးတွေထဲမှာ မျောပါသွားချင်တယ်ဆိုရင်တော့ ဒီဇာတ်လမ်းက အကောင်းဆုံး ရွေးချယ်မှုတစ်ခု ဖြစ်ပါလိမ့်မယ်။
Google Drive Link မလို့ Vpn ခံဝင်ပေးပါ။
