Night Mode
⏳ Loading Posts...

YuruYuri

YuruYuri: Happy Go Lily

YuruYuri Anime Poster
Slice of Life School

Akari, Kyoko, Yui နဲ့ Chinatsu တို့ သူငယ်ချင်းလေးယောက်ဟာ ကျောင်းကပိတ်သိမ်းလိုက်တဲ့ Tea Ceremony Club အခန်းဟောင်းလေးကို နေရာယူပြီး Amusement Club ဆိုတဲ့ ကိုယ်ပိုင်ကလပ်တစ်ခုကို တည်ထောင်လိုက်ကြပါတယ်။ ဒီကလပ်ရဲ့ အဓိက ရည်ရွယ်ချက်ကတော့... ဘာရည်ရွယ်ချက်မှ မရှိတာပါပဲ။ စာသင်ခန်းပြင်ပ အချိန်တွေမှာ သူငယ်ချင်းတွေ စုဝေးပြီး ပျော်ပျော်ရွှင်ရွှင်နဲ့ ပေါ့ပေါ့ပါးပါး အချိန်ဖြုန်းဖို့သက်သက်သာ ဖန်တီးထားတာပါ။

ဒီဇာတ်ကားလေးရဲ့ အဓိကဆွဲဆောင်မှုက စိတ်ဖိစီးစရာမရှိတဲ့ သူတို့လေးယောက်ရဲ့ တက်ကြွလန်းဆန်းတဲ့ နေ့စဉ်ဘဝလေးတွေကို ဟာသနှောပြီး အသက်ဝင်ဝင် ပုံဖော်ထားတာပါ။ ဇာတ်ကောင်တိုင်းက ကိုယ်ပိုင်အလွဲလေးတွေ၊ ထူးခြားတဲ့ စရိုက်လေးတွေနဲ့မို့ အချိန်ကုန်မှန်းမသိ ကြည့်နေမိမှာ သေချာပါတယ်။ အထူးသဖြင့် ဇာတ်လမ်းရဲ့ အဓိက Main Character ဖြစ်နေလျက်နဲ့ သူမရှိမှန်းကို တခြားသူတွေက မကြာခဏ မေ့နေတတ်တဲ့ Akari ရဲ့ အဖြစ်တွေက တကယ့်ကို သနားချစ်စရာနဲ့ အူတက်အောင် ရယ်ရမယ့် အကွက်တွေပါ။

ဒါ့အပြင် ဒီကလပ်လေးကို အမြဲလာစောင့်ကြည့်နေတတ်တဲ့ Student Council က ကောင်မလေးတွေနဲ့ သူတို့ကြားက ရန်သူလိုလို မိတ်ဆွေလိုလို အလွဲအချော်တွေကလည်း ဇာတ်လမ်းကို ပိုပြီး အရသာရှိစေပါတယ်။ စိတ်အမောတွေ ပြေပျောက်ပြီး ချစ်စရာကောင်မလေးတွေရဲ့ ဗရုတ်ကျကျ ဟာသတွေကြားမှာ ပေါ့ပေါ့ပါးပါး အပန်းဖြေချင်တယ်ဆိုရင်တော့ ဒီကားလေးက အကောင်းဆုံး ရွေးချယ်မှုပါပဲ။

Loading...